Tanımadığınız şəxsdən gələn şübhəli mesajları açmayın.

Son günlər “WhatsApp” və sosial şəbəkələrdə vətəndaşların adına oxşar hesablar yaradılaraq onların yaxınlarından müxtəlif bəhanələrlə pul vəsaiti istənilməsi halları müşahidə olunur.

Kiberdələduzlar tanıdığınız şəxsin adı, fotoşəkli və digər məlumatlarından istifadə edərək saxta hesablar yaradır, yaxınlarına yazaraq pul göndərilməsini xahiş edirlər.

Belə mesaj aldıqda tələsməyin. Məlumatın həqiqiliyini həmin şəxslə digər əlaqə vasitəsilə dəqiqləşdirin. Şübhəli mesajlara cavab verməyin, pul vəsaiti göndərməyin, şəxsi və bank məlumatlarınızı paylaşmayın, tanımadığınız keçidlərə daxil olmayın. Kiberdələduzluqla qarşılaşdıqda “102” Xidməti-Zəng Mərkəzinə müraciət edin.