Bakıda yerləşən “Palma Kafe” müştəriləri məyus edir – Zəif xidmət, bərbad yeməklərXüsusi.Tv xəbər verir ki, Bakı sakinlərinin və şəhərə gələn qonaqların tez-tez üz tutduğu Park Bulvar ərazisində yerləşən “Palma Kafe” ilə bağlı ciddi narazılıqlar artmaqdadır.
Müştərilərin dediklərinə görə, burada göstərilən xidmət səviyyəsi çox zəifdir, personalın kobud davranışı və sifarişlərə vaxtında cavab verilməməsi kafeyə gələnləri narahat edir.Ən böyük narazılıq isə yeməklərin keyfiyyəti ilə bağlıdır. Müştərilər bildirirlər ki, təqdim olunan yeməklər həm dadsız, həm də keyfiyyətsiz şəkildə hazırlanır.
Hətta bəzi hallarda təqdim olunan qidaların soyuq, yarımçıq bişmiş və köhnə məhsullardan hazırlandığı iddia olunur.Kafeyə ilk dəfə gələn turistlər belə bu məkandan narazı ayrılır, bu isə paytaxtın imicinə mənfi təsir göstərə bilər. Sosial şəbəkələrdə də “Palma Kafe” barədə yayılan rəylər əsasən mənfidir. İstifadəçilər kafenin tez bir zamanda ya xidmətini yaxşılaşdırmasını, ya da aidiyyəti qurumlar tərəfindən nəzarətə götürülməsini tələb edirlər.
Xüsusi.Tv olaraq məsələni diqqətdə saxlayırıq.
