Xüsusi.Tv xəbər verir ki, polis əməkdaşlarının avqustun 7-də keçirdikləri əməliyyat-axtarış tədbirləri nəticəsində müxtəlif vaxtlarda dələduzluq cinayətlərinə görə axtarışda olan 8 nəfər müəyyən edilərək saxlanılıb.
Daxili İşlər Nazirliyindən verilən məlumata görə, saxlanılan şəxslər törətdikləri dələduzluq əməllərinə görə barələrində məhkəmə orqanları tərəfindən axtarış elan olunmuşdu.
Onlar polis əməkdaşları tərəfindən keçirilən koordinasiyalı əməliyyatlar zamanı tutulub və istintaqa təhvil verilib.
Hazırda həmin şəxslərlə bağlı araşdırmalar davam etdirilir. Onların digər mümkün cinayət əməllərində iştirak edib-etmədiyi müəyyənləşdirilir.
Qeyd edək ki, hüquq-mühafizə orqanları dələduzluq hallarının qarşısının alınması və ictimai təhlükəsizliyin təmin olunması istiqamətində tədbirləri davam etdirir.
